~ سَاعِيْ ’ بَرِيدْ: 6-6-2011 يــوم تاريخــي

يوم 6-6-2011 .. إيه إل حصل؟!!! ..أنا مصدقتش نفسي؟

القاهرة..

اليوم بدأ بإن تقريباً كل الناس -على تويتر- متحمسة للنزول .. للقيام بمظاهرة أمام وزارة الداخلية .. وكانت اللحظة فعلاً منتظرة بفارغ الصبــر..

حانت الساعة التي وجب النزول فيها .. الأعداد عند وزارة الداخلية كانت قليلة .. أقل بكتير من المتوقع ..

كانت الهتافات أغلبها ضد الداخلية .. وضد وزير الداخلية منصور العيسوي، وطبعاً هتافات لخالد سعيد.. مع العلم .. إن مكنش فيه حضور أمني قدام الوزارة ..

وبرده الأعداد قليلة، شوّية والشباب بدأوا يعملوا جرافيتي على حيطان الداخلية بالصورة دي..

تصوير: جي جي إبراهيم @Gsquare86

---

وبعدين طلع شاب جريء ... ورسم على شعار الشرطة ..

تصوير: @lilianwagdy

وبعدين فضلوا يرسموا لحد ما جدران الداخلية بقت كدة ..

تصوير: @pakinamamer

أنا اتفاجئت ومكنتش مصدقة إنهم عملوا كدة ومفيش ولا ضابط ولا عسكري قالهم حاجة أو كان موجود أصلاً..

بس كنت في قمة الفرح والفخر بيهم ..

المظاهرة استمرت للمساء .. وكل شوية الأعداد كانت بتزيد وكانت تقريباً فوق الألف متظاهر..

على الساعة 5 بقى كان في وقفة صامتة على كوبري قصر النيل .. وكانت الأعداد كبيرة ..

تصوير: @Zeinobia

الوقفة برده أثلجت صدري وأعادت لي ذكريات ..

في ناس كانت ضد الوقفة .. وكانت بتقول إن الأفضل إنهم يروحوا عند وزارة الداخلية..

أولاً: أنا مقدرش أهاجم الوقفة أبداً .. لأن هوّ ده "التراث" -إذا جاز التعبير- إل هيفضل يفكرنا بخالد سعيد ويرجع ذكريات..

وفي نفس الوقت لازم أقول إن الوقفات دي كانت بتحصل في عهد النظام البائد عشان الأمن مكنش بيتعرضلها ..

بس دلوقتي خلاص .. فا كل الحل .. إن بعد ما الوقفة تخلص يروحوا الشباب بمسيرة لوزارة الداخلية ..

وده حصل فعلاً .. جزء من المشاركيين في الوقفة راحوا عند مظاهرة الداخلية..

-------------....-----------...-----------

الإسكندرية..

طبعاً .. الإسكندرية غيــر .. لأنها كانت قلب الحدث ..

كان في وقفة على الكورنيش .. والأعداد كانت كبيرة جداً ما شاء الله

تصوير: @mfatta7

ووالدة خالد سعيد زارت قبر خالد سعيد الله يرحمه ..

تصوير: @mohamedhani

قد إيه بيأثر فيا زيارة والدة خالد سعيد لقبره .. باحس إن روحه معانا ..

وبيسأل جبتوا حقي ولّا لأ؟

نفسي فعلاً أروح أزور قبره .. وأكيد هاروح في يومٍ ما أزوره .. وإن شاء الله نطمنه إننا جبنا حقّه..

بعدين والدة خالد وأخته راحوا شاركوا في الوقفة ..

تصوير: @alaa_X

الأم دي .. هيّ إل بستمد منها القوة والثبات..

إبنها اتقتل واتوهت سمعته .. ولسّه حقه مجاش ..

بس عندها ثقة إن حقه هيجي وفخورة إن استشهاد ابنها كان أحد أسباب قيام الثورة..

الله يبارك في هذه الأم العظيمة..

بعد كدة الشباب نقلوا المظاهرة لتحت بيت خالد سعيد ..

تصوير: @A_M_Sabry

- للأسف في آخر اليوم حصل حادث مؤسف .. وهوّ وفاة الإعلامية نهلة مصطفى، عربية مسرعة خبطتها

نهلة عملت لقاء مع والدة خالد سعيد وأخته في البيت .. وكانت نازلة تصوّر الأحداث إل كانت لسه مستمرة على الكورنيش .. وهيّ بتعدي خبطتها سيارة أودت بحياتها ..

الله يرحمها وويعتبرها من الشهداء ياا رب..

---------....-----------.....-----------

المنصورة..

أهل المنصورة كمان شاركوا بالوقفات .. وكانت الأعداد كبيرة الحمدلله..

ود. محمد غنيم شارك كمان ..